Кеңес Одағының батыры, қазақтың қайсар қызы Алия Молдағұлованың туғанына 100 жыл толуына байланысты, «Семей медицина университеті» КеАҚ әскери кафедрасында, 27 қазан 2023 жылы, аға оқытушы запастағы медицина қызметінің подполковнигі Н.Смаиловтың ұйымдастыруымен тәрбие сағаты өтті.

Аққан  жұлдыздай жарқ етіп жоқ болған, қамшының сабындай қысқа ғұмыр кешкен Әлия Молдағұлованың ерлігімен таныстық.

Тәрбие сағатының мақсаты –  батыр қызымыздың ерлігі  туралы баяндау, студенттердің туған жеріне, еліне деген сүйіспеншілігін арттыру, өзін қоршаған ортада жаман мен жақсыны ажыратып, жақсы қасиеттерді бойына сіңіре білуге, батырдың ерлігін үлгі тұтуға үйрету, Отанын қорғай білуге, батырлыққа, ерлікке, патриоттыққа тәрбиелеу болды.

Әлия есімі – біз үшін өнеге, біз үшін мақтанышпен айта алатын, тарихта алтын әріптермен жазылған есім.

Батырдың өзі өлсе де, біз үшін есімі мәңгі өлген жоқ!

Аңыз ғұмыры жалғаса береді…   Әлия – жыр, Әлия – бейне…

                                                                       4422 топ студенттері[/vc_column_text]