2023 жылдың 8 қараша күні «Семей медицина университеті» КеАҚ-да Орехов Андрей Юрьевичтің 8D10102 – Медицина мамандығы бойынша философия докторы (PhD) дәрежесін алуға ұсынылған «Резистентті артериялық гипертониямен ауыратын науқастардың болжамын жақсартуға бүйрек артерияларының симпатикалық денервациясының үлесі» тақырыбындағы диссертациясын қорғауы өтті.
Диссертация тақырыбы бойынша зерттеу барысында автор 15 ғылыми жұмыс жариялаған. Оның ішінде Scopus және WOS дерекқорларында индекстелген журнал беттеріндегі 4 мақала бар. Сонымен қатар, жүргізілген жұмыстың нәтижелері бойынша ҚР Ғылым және жоғары білім Министрлігінің Ғылым мен жоғары білім саласындағы сапаны қамтамасыз ету комитетінің талаптарына сәйкес авторлық куәліктер алынған.
Ғылыми диссертацияның маңыздылығы-бұл клиникалық кардиологияның бүйрек артерияларының симпатикалық денервациясының төзімді артериялық гипертониямен ауыратын науқастарды емдеудегі үлесі сынды өзекті мәселесін зерттеуге арналған. Дүниежүзілік денсаулық сақтау ұйымының мәліметі бойынша, жыл сайын артериялық гипертониядан 10 миллионға жуық науқас қайтыс болады. Қан қысымы (АҚ) деңгейі мен жүрек-қан тамырлары оқиғаларының қаупі арасында тікелей байланыс бары анықталды. Резистентті АГ емдеу үшін заманауи жоғары тиімді препараттарды қолданылғанына қарамастан бүкіл әлемде терапияның тиімділігі жеткіліксіз болып келеді. Жоғарыда айтылғандардың барлығы АГ-ны емдеудің балама дәрілік емес әдістеріне назар аударады. Олардың бірі-бүйрек артерияларының симпатикалық денервациясы (SDPA).
Зерттеудің мақсаты – төзімді артериялық гипертензиядағы бүйрек артерияларының симпатикалық денервациясының гипертензияға қарсы және кардио-нефропротекторлық әсерін кешенді бағалау.
Диссертация авторының ғылыми кеңесшілері: Каражанова Людмила Кусаиновна – медицина ғылымдарының докторы, «Семей медицина университеті» КеАҚ-ның терапия кафедрасының профессоры, Семей қ., Қазақстан. Конради Александра Олеговна – медицина ғылымдарының докторы, профессор, РҒА академигі, РФ Денсаулық сақтау Министрлігі «В. А. Алмазов атындағы ҰМЗО» ФМБМ Бас директордың ғылыми жұмыс жөніндегі орынбасары, артериялық гипертензияның ҒЗБ меңгерушісі, Алмазов орталығының медициналық білім беру институтының денсаулық сақтау басқармасы мен экономикасын ұйымдастыру кафедрасының меңгерушісі (Санкт-Петербург қ., РФ).
А.Ю Ореховтың диссертациясын қорғауы сәтті өтті. Осыған байланысты Диссертациялық кеңес ҚР Ғылым және жоғары білім министрлігінің Ғылым және жоғары білім саласындағы сапаны қамтамасыз ету комитетіне Орехов Андрей Юрьевичке философия докторы (PhD) дәрежесін беру туралы ұсыныс жасайды.[/vc_column_text]
