Семей қаласының ТЖ-емханасында қызылшаның алдын алу бойынша санитарлық-ағарту жұмыстары
07.11.2023 ж. Семей қаласының ТЖ-емханасында медицина қызметкерлері үшін қызылшаның алдын алу бойынша семинар өткізілді. Қазіргі уақытта “Ересектердегі жұқпалы аурулар” пәнінде оқитын “Жалпы медицина” факультетінің 5427 тобының студенттері Қазақстандағы қызылша бойынша эпидемиологиялық жағдайды атап өтті. Дәріскерлер қызылша клиникасының сұрақтарына, оның асқынуларына жеке тоқталды. Қызылшамен ауыратын науқастарға медициналық көмек көрсету алгоритмі бөлек талданды. Халық арасында, соның ішінде жүкті әйелдерде қызылшаны ерте анықтауға баса назар аударылды. Семинар соңында спикерлер уақтылы және толық вакцинация қызылшаға және басқа да басқарылатын инфекцияларға жеке және популяциялық иммунитетті қамтамасыз етудің негізі екенін еске салды.
Шаймарданов Н. К., Смаил Е. М.[/vc_column_text]