3-5 қараша аралығында, Түркістан қаласында, Қожа Ахмет Ясауи атындағы Халықаралық қазақ-түрік университеті қабырғасында жыл сайынғы MedUSE республикалық олимпиадасы өтті.

Семей Медицина Университеті, KazMSA жергілікті комитеты, бұл додада жүлделі үшінші орынға ие болды.

Олимпиада қорытындысы:

1 орын – Қазақстан-Ресей медицина университеті;

2 орын – Марат Оспанов атындағы Батыс Қазақстан медицина университеті;

2 орын – С.Ж. Асфендияров атындағы Қазақ ұлттық медицина университеті;

3 орын – Семей медицина университеті.

Олимпиадаға университетімізден делегаттар екінші рет қатысты.

Бұған дейін 3 жыл бойы СМУ осы республикалық олимпиаданың ұйымдастырушысы болды.

MedUSE – негізгі медициналық пәндер мен практикалық дағдылар бойынша жыл сайынғы республикалық олимпиада.

Олимпиаданың мақсаты – студенттердің интеллектуалды және ғылыми дамуы, Қазақстан Республикасының медициналық студенттері үшін бәсекелестік орта құру, үздік жетістіктерді көрсету және студенттер арасында тәжірибе алмастыруды жолға қою.

Олимпиада IV турды қамтыды:

I тур. Әртүрлі пәндер бойынша тест арқылы теориялық білімдерін тексеру, оның ішінде: патологиялық физиология, фармакология, патологиялық анатомия және пропедевтика.

II тур. Ребус, ауруды анықтау, сипаттамасын, патогенезін, этиологиясын және емделу шараларын жазу.

III тур. 4 бағыт бойынша клиникалық дағдылар:

1) Педиатрия;

2) Хирургия;

3) Пропедевтика;

4) Гинекология.

IV тур. Лапароскопия, қатысушылар лапароскопиялық тренажерларда өз шеберліктерін көрсетті.

“Семей медицина университеті” КеАҚ студенттері осы олимпиадаға қатысу мүмкіншілігі үшін университет әкімшілігіне алғыс білдіреді.