Жеке жұмыс жоспары мен ашық сабақтар кестесіне сәйкес 2023 жылдың 8 қарашасында стоматологиялық пәндер және жақ-бет хирургиясы кафедрасының ассистенті Сыздыкаева С.М. стоматология факультетінің 401 тобында «Пародонтология» пәнінен ашық сабақ өткізді. Сабақтың тақырыбы: «Пародонт ауруларының жалпы емі». Ашық сабаққа кафедраның профессорлық-оқытушылық құрамы қатысты.

Сабақ симпозиум түрінде өтті. Материалды талдау барысында дәрі-дәрмек талдауы, рецепт жазуы бар кейстер пайдаланылды, сонымен қатар ойын түрінде сұрақ-жауап қолданылды.

Материалды бекіту үшін Kahoot қолданбасы арқылы тестілеу жүргізілді. Студенттер зерттелетін тақырып аясында көтерілген сұрақтарды талқылауға белсенді қатысып, заманауи ақпараттық-коммуникациялық технологияларды пайдаланды.