2023 жылдың 22 желтоқсанында қысқы сессия қарсаңында “Медицина” және “Педиатрия”ББ 1 курс білім алушыларына арналған жиналыс өтті. Жиналыста профессор Н.А. Хлопов атындағы анатомия, гистология және топографиялық анатомия кафедрасының меңгерушісі, 1-курс координаторы Кожанова Сәуле Кеңесханқызы, Тіркеуші кеңсе бастығы Рахимжанова Баян Құралтайқызы жазбаша емтихандардың форматы туралы түсіндірме жұмысын жүргізді.
Сонымен қатар комплаенс-офицер Мақсат Төлеуғазыұлы Бейсембаев сөз сөйлеп, емтихандардағы сыбайлас жемқорлық қатері туралы айтып, академиялық адалдық саясатын сақтауға шақырды.
Медицина мектебінің қызметкерлері Бибекова Гулимай Жаңабекқызы және Зыханова Фарида Төлеубекқызы студенттерге емтихандағы тәртіп ережелері, студент Fx бағасын алған жағдайда 1 рет қайта тапсыру мүмкіндігі және ақылы семестр туралы еске салды.[/vc_column_text]
