2024 жылдың 10 қаңтарында «Семей медицина университеті» КеАҚ жас оқытушы мектебінің кезекті отырысы өтті. Отырысты жас оқытушы мектебінің жетекшісі С.Б. Маукаева – медицина ғылымдарының кандидаты, жұқпалы аурулар, дерматовенерология және иммунология кафедрасының доценті өткізді. Аралас форматтағы отырысқа (онлайн және офлайн) 23 тыңдаушы қатысты.

Іс-шара барысында педагогика ғылымдарының кандидаты И.С. Мұсатаева, жалпы білім беретін пәндер кафедрасының доцент м.а. «Медициналық жоғары оқу орындарындағы оқу үдерісіндегі цифрлық білім беру технологиялары» тақырыбында практикалық тренинг өткізді. Кездесудің басында спикер тыңдаушыларға padlet электронды тақталарының әртүрлі түрлерінде жұмыс ұсынды, онда әрбір қатысушы ұсынылған тақырыптар мен сұрақтарға өз жазбаларын жариялады. Бұдан әрі цифрлық технологияларды қолдану мақсаттары, олардың түрлері мен негізгі форматтары талқыланды.

Негізгі назар жаппай ашық онлайн курстарды (ЖАОК), бейне дәрістерді, LMS Keyps пәндері бойынша кейстерді, SCORM пакеттерін, онлайн-конференцияларды, вебинарларды, электрондық поштаны, оn-line сауалнамаларды және онлайн-тестілеуді, геймификация элементтерін және басқа да цифрлық құралдарды қолданудың артықшылықтары мен кемшіліктеріне аударылды. Цифрлық технологиялардың негізгі мақсаты оның тиімділігі мен жайлылығын арттыру мақсатында білім беру процесіне әсер ету, сондай-ақ білім алушының оқу қызметін бақылау және түзету болып табылатыны атап өтілді.

Сондай-ақ, спикер MOOC орналастыру және SCORM құру үшін әртүрлі платформалардың мүмкіндіктерін көрсетті. Соңында И.С. Мұсатаева онлайн ортаның ойын технологияларын пайдалану мүмкіндігін көрсету үшін Kahoot-викторина ұйымдастырды.[/vc_column_text]