2024 жылғы 19 ақпаннан 02 наурызға дейін «Семей медицина университеті» КеАҚ шетелдік бөлімшесінде спорттық ойындар апталығы өтті. 1-5 курс аралығында оқитын студенттер қатысты. Жиыны 185 адам бақ сынасты. Волейбол, баскетбол, бадминтон, үстел теннисі, шахмат, арқан тарту сынды спорт түлерінен ұйымдастырылған жарыста жігіттер мен қыздар командалары өнер көрсетті. Спорттық ойындарға қатысқан шетелдік бөлімшенің студенттері таланттарын паш етті. 6 күн іріктеу ойындары өтіп финалдық ойындарға қатысушылар анықталды.
Турнирдің финалдық кезеңі 2024 жылдың наурыз айының 2-сі күні ұйымдастырылды. Бүгін жеңімпаздарды естелік сыйлықтармен марапаттау рәсімі өтті. Спорттық іс-шараның барлық қатысушыларына сертификаттар табысталды.
Шетел бөлімшесі Студенттік өзін-өзі басқаруы Спорт клубының, Шетелдік білім алушылармен жұмыс жөніндегі мектептің және Дене тәрбиесі кафедрасының тікелей қатысуымен турнирді ұйымдастыру бойынша көп жұмыс атқарды. «СМУ» КеАҚ басшылығына спорттық ойындар апталығын ұйымдастыруға және өткізуге мүмкіндік бергені және қолдау көрсеткені үшін зор алғыс айтамыз.