«Күміс Университеті» жобасы аясында КеАҚ «Семей Медициналық университеті», ҚР еңбек сіңірген ғылым қайраткері Т.А. Назарова атындағы физиологиялық пәндер  кафедрасының меңгерушісі Рахыжанова С.О. және оқытушы Шакабаева А.А жоспарға сәйкес 8- Наурыз  Халықаралық әйелдер күніне орай қалалық деңгейде мерекелік іс-шара өткізді.

Мерекелік іс-шарамыздың қадірменді қонағы болып, облыстық «Достық үйі» және «Ахау- Семей» қоғамдық бірлестігінен келген ардагер апаларымыз және кафедра ұжымы, студенттер қатысты.

Мерекелік іс-шара мақсаты: ұрпақтар арасындағы байланысты нығайту, аға ұрпаққа мейірімді, құрметпен қарауды қалыптастыру, ата-әжелерімізге жағымды, мерекелік көңіл-күй сыйлау.

Ардагер апаларымыз өмір жолындағы қызықты естеліктерімен бөлісіп, ақыл-кеңестері мен ізгі-ниеттерін білдірді.

«Күміс Университеті» жобасының басты мақсаты – егде жастағы азаматтардың өмір сүру сапасын жақсарту, жастар арасындағы қарым- қатынасты жетілдіру, әлеуметтік белсенділігін арттыру, физикалық және психикалық денсаулығын нығайту.