Магистратура – кәсіптік қызметтегі білім мен дағдыларды тереңдетуге мүмкіндік беретін бакалавриаттан кейінгі жоғары кәсіптік білім берудің маңызды кезеңі. Магистратураны аяқтағаннан кейін білім алушыларға тиісті мамандық бойынша біліктілігін арттыратын және мансабында жаңа мүмкіндіктер ашатын магистр академиялық дәрежесі беріледі.

Жоспар бойынша және дипломнан кейінгі білім беру деңгейінде кәсіптік бағдарлау жұмысы шеңберінде қоғамдық денсаулық кафедрасының меңгерушісі, магистратура бойынша үйлестіруші З.А. Хисметова 13.03.2024 жылы Семей қаласының Жедел медициналық жәрдем ауруханасының медицина қызметкерлері арасында кәсіптік бағдарлау жұмысын жүргізді. Кездесудің күн тәртібінде магистратураға түсу, оқыту және артықшылықтар, сондай-ақ университет базасында және КеАҚ СМУ қоғамдық денсаулық кафедрасында өткізілетін біліктілікті арттыру мен сертификаттау курстарының түрлері қарастырылды.

Магистратурада оқу ұзақтығы ғылыми-педагогикалық немесе бейіндік бағытына байланысты 1 жылдан 2 жылға дейін созылады. Бейіндік магистратура практикалық қызметтің нақты түрі үшін басқару дағдыларын дамыта отырып, білім алушылардың терең кәсіби даярлығын қамтамасыз етеді. Магистратураның ғылыми-педагогикалық бағыты елдің жоғары оқу орындары мен колледждерінің ғылыми және педагогикалық салалары үшін кадрлар даярлайды. Магистратураға қабылдау мынадай мамандықтар бойынша жүзеге асырылады: «Қоғамдық денсаулық сақтау», «Медициналық-профилактикалық іс», «Денсаулық сақтаудағы менеджмент», «Мейірбике ісі» және «Медицина». ЖММК қызметкерлеріне маманның бейіні бойынша сәйкес келетін магистратураның мүмкіндіктері, оқуды жалғастырудың артықшылықтары, құжаттарды тапсыру мерзімдері, кешенді тестілеудің ерекшеліктері және оқуға түсу қағидалары туралы ақпарат берілді. Аудитория мүшелері өз пікірлерін білдіріп, талқыланатын тақырыптар бойынша сұрақтар қойды.

Аудиторияның пікірінше, кездесу магистратураға түсуге ниет білдірушілер үшін танымдық және маңызды болды. Өз кәсібіңізде жақсы болу мүмкіндігіңізді жіберіп алмаңыз!