2024 жылдың 18-ші наурызында ҚР еңбек сіңірген ғылым қайраткері Т.А.Назарова атындағы физиологиялық  пәндер кафедрасының аға оқытушысы  К.Т. Кусаинова «Медицина» оқу бағдарламасы бойынша білім алатын 2419 кураторлық тобымен Ұлыстың  ұлы күні- Наурыз мейрамына байлынысты тәрбиелік іс-шара өткізді. Наурыз мейрамы- ежелгі заманнан қалыптасқан жыл бастау мейрамы, күн мен түннің теңелген уақыты.

Тәрбиелік іс-шара барысында Наурыз мерекесінің шығу тарихы, қазақтың салт-дәстүрлері, қазақтың әртүрлі дәстүрлі ойындары, ұлттық  тағамдар жайында презентация ұсынылды. Қазақтың ұлттық тағамдарынан мерекелік Наурыз дастарханы жайылды. Мерекелік іс-шара барысында студенттер, кафедра оқытушылары викториналық сұрақтарға жауап беріп, халық мақал-мәтелдерінің біліктілігін  көрсетті. Тәрбиелік іс- шарада қазақтың ертеден келе жатқан салт- дәстүрлерінің бірі- «Сырға салу» рәсімі өткізілді. Қазақтың келініне келін түсіру кезінде құлағына алтын сырға тағады. Бұл қалыңдық пен күйеу жігіттің ата-анасының некеге тұру туралы келісімін білдіреді. Сырға салу рәсімі – келін түсіруге арналған жөн-жоралғылардың ең алғашқысы болып табылады. Тәрбиелік іс-шара өте қызықты да мағыналы өтті.