Наурыз мейрамы – көктемгі жаңару мерекесі, көктемгі күн мен түннің теңелуімен тұспа-тұс келетін жаңа жылдың басы, бұл махаббат құндылығы мен достықтың мерекесі.

2024 жылдың 18 наурызында проф., м. ғ. д. М.Н.Мусин атындағы фармакология кафедрасы Наурыз мейрамы қарсаңында  мерекелік іс-шара өткізді. Кафедра оқытушылары Желдибаева У.Т., Какытаева А.Е., Жұматай А.Б. 3512, 2211, 2210, 2209  кураторлық топтарымен бірге мерекелі іс-шараны ұымдастырды. Кафедра меңгерушісі Тулеутаева Райхан Есенжановна өзінің әріптестері мен студенттерді келе жатқан Наурыз мерекесімен құттықтады. Наурыз айының 18-і ұлттық киім күні болып есептелетіндіктен, іс-шараны этно сән үлгісімен бастап, қазақтың халқының жас ерекшелігіне қарай ұлттық киімдер үлгісі көрсетілді.

2211 тобы Наурыз мерекесін тойлаудың маңыздылығы туралы  сахналық көрініс көрсетсе,3512 топ студенттері деканат өкілдері, оқытушылар мен студенттер арасында «Оylanıp kör» викторинасын өткізді. Шара соңы алғыс хаттар мен тамаша әнмен аяқталды.