Наурыз – ежелден келе жатқан мейрам. Бұл күні – аспан денелері өздерінің ең бастапқы нүктелеріне келіп, күн мен түн теңеліп, жан-жануарлар төлдеп, адамзат баласының аузы аққа тиетін, жер үстіне шаттық пен бейбітшілік орнаған күн.

Ұлы күннің ұлылығын ұлықтау мақсатында наурыздың 19 күні жалпы білім беру пәндер кафедрасы оқытушылары Т.А. Мұздыбаева, Л.К. Садыкова, Н.Д. Аманбекова және Т.У. Джакипова, М.С. Ибраемова, Р.Ж. Екібаевтардың ұйымдастыруымен кураторлық топтармен бірге мерекелік шара аталып өтті. Мерекелік шараға Қоғамдық денсаулық сақтау, стоматоология, фармокология және мейірбике ісі мектебі қызметкерлері  қатысып, өздерінің жылы лебіздерін білдіріп, мерекелік дастарханымыздың қадірлі қонағы болып қайтты.

Кураторлық топ студенттері дәстүрімізге сай ұлттық тағамдар әзірлеп, дәстүрлі әндер айтылып, күй шертіліп, мерекеміздің сәнін келтірді.

Ұлыстың ұлы күнінде әрбір жүрекке үкілеген үміт оты маздап, бақыт есігі ашылғандай болып, келешекке сеніммен қараған. Себебі, күн мен түн теңелгенде, жаңа ай толықсып толғанда, тұрмыс пен табиғат жаңарғанда жер жүзі жайнап, көк құт көзін ашқан. Жер бетіне жақсылық ұялағанда, ұзақ пен жылқышы торғай ұшып келген, жыл жерге түскен, Жер-ана тоң кеудесі жібіп, тас емшегі иіген, Самарқанның көктасы еріген. Түнгі даланы адамдарға бақ-дәулет дарытатын Қызыр ата аралаған.

Ұлыс оң болсын! Ақ мол болсын!

Жалпы білім беру пәндер кафедрасы