Ғылыми конференциялар студенттерге өздерінің ғылыми зерттеулерін көрсетуге, әртүрлі оқу орындарындағы әріптестерімен білім мен тәжірибе алмасуға мүмкіндік беретін маңызды іс-шара болып табылады. «Ғылым және денсаулық» халықаралық қатысуымен білім алушылардың дәстүрлі 66-шы студенттік ғылыми-практикалық конференциясы “СМУ” КЕАҚ профессоры Какенова Пану Ильясовнаның 90 жылдығын мерекелеуге байланысты ерекше маңызды оқиға болды. 2024 жылдың 11-12 сәуірі аралығында өткен конференцияда Балалар аурулары пропедевтикасы кафедрасында ғылыми үйірме студенттерінің әртүрлі ғылыми зерттеулерін көрсететін постерлік және ауызша баяндамалар ұсынылды.
Конференцияда постерлік баяндамаларды 5 курс, ЖМ студенті Сағындықова Гүлнұр, “Қазақстанда профилактикалық тексеру бағдарламалары тұқым қуалайтын аурулары бар балалар мен жасөспірімдерді анықтау құралы ретінде” және 4 курс, ЖМ студенті Sudhanshu Gupta “Reperception of adaptation among first-year medical university students” тақырыбында баяндамамен, сондай-ақ 3 курс, ЖМ студенті Ғалымова Аружан, “Семей қаласындағы соңғы екі жылдағы балалар арасындағы жіті уланудың эпидемиологиясы” тақырыбындағы баяндамаларымен жарияланды. Олардың жұмыстары ғылым мен балалардың денсаулығы саласындағы өзекті мәселелерге назар аударуға, сондай-ақ студенттердің ғылыми жобалармен жұмыс істеу қабілетін көрсетуге мүмкіндік берді.
Ауызша баяндамалар номинациясында жүлделі орындарға ие болған студенттер марапатталды. Секциялық отырыста екінші орынды өз зерттеулерін “Definition and early diagnosis of metabolic syndrome in children” тақырыбында ұсынған ЖМ, 4 курс студенті Сапарғалиева Альбина иеленді, ғылыми жетекшісі Түгелбаева А.М., кафедра ассистенті. Секциялық отырыста бірінші орынды Педиатрия мамандығының 2 курс студенті Ахылбаева Адема «Балалар мен жасөспірімдер арасында энергетикалық сусындарды тұтынуды зерттеу» тақырыбындағы баяндамасымен иеленді, ғылыми жетекшісі Рахимбаева С.Ж., медицина магистрі, кафедра ассистенті. Пленарлық отырыста ЖМ, 4 курс студенттері Basit Abdul және Mir Kamran Mohammad “Тhe prevalence of orphan diseases in pediatric practice” тақырыбындағы баяндамасымен бірінші орынды алды, ғылыми жетекшісі Мұратова Ф.К., Балалар аурулары пропедевтикасы кафедрасының ассистенті. Олардың ауызша баяндамалары конференция тыңдаушылары мен қазылар алқасының қызығушылығын тудырды, олар жоғары деңгейдегі зерттеулер мен студенттердің кәсібилігін атап өтті.
Мұндай ғылыми конференцияларға қатысу ғылыми ойлауды дамытуға, тәжірибе мен білім алмасуға ықпал етеді, сонымен қатар студенттерге кәсіби өсуге және көкжиектерін кеңейтуге мүмкіндік береді. Болашақта осындай іс-шаралар жалғасады деп үміттенеміз, бұл студенттерді жаңа ғылыми жаңалықтар мен жетістіктерге шабыттандырады.
