14 мамыр 2024 жылы «Семей медицина университеті» КеАҚ әскери кафедрасында медицина қызметінің полковнигі Ш.О.Орынбасаровтың жетекшілігімен «Жалпы медицина» мамандығының 4216 тобы студенттерімен Ұлы Отан соғысының батыры Қасым Қайсеновке арналған әскери-патриоттық шара өткізілді.
Іс-шара барысында Қазақстанның халық қаһарманы, екінші дүниежүзілік соғыстың батыры, аты аңызға айналған партизан, көрнекті жазушы, қазақ әдебиетіндегі партизан тақырыбының негізін қалаушы – Қасым Қайсеновтың өмірбаянына, жасаған ерліктеріне және соғыстан кейінгі өмірі баяндалды.
Оның жаужүрек әрекеттері қаншама адамның өмірін алып қалумен қатар, қаншама адамдарды еркіндік пен әділеттілік үшін күреске шабыттандырды, қиын кездегі халық күші мен табандылығының символы болды.
Ол әркез әділдік, теңдік және шыншылдық ұстанымдарын жақтады, және де осы құндылықтар – оның ерліктерінің негізі болды.
Қасым Қайсеновтың, соғыс жылдарындағы ерлігімен қатар, соғыстан кейінгі жылдары қазақ әдебиетіне де, ауыл шаруашылығына до қосқан үлесі үлкен.
Бұл іс-шара біз үшін даналықтың қайнар көзі болды деп санаймыз.
Әскери кафедраның 4216 топ студенті Қапезова Айдана