2024 жылдың 6-10 мамыр аралығында Өзбекстан, Ташкент мемлекеттік стоматологиялық институтында «Central Asia Dental Forum &Olympiad» халықаралық форумы өтті. «Семей медицина университеті» КЕАҚ-нан «Стоматология» мамандығының студенттері: Құрмашева Мөлдір Өмірбекқызы, Сейтжанова Аружан Бауыржанқызы, Әбдіхамит Темірлан Маратұлы, Қарабаева Алуа Нұржанқызы, Жылқайдаров Сарман Талғатұлы қатысты.

Форумның мақсаты Орталық Азиядағы медициналық университеттердің стоматология факультеттерінің студенттері мен жас ғалымдары арасындағы білім беру, ғылыми және мәдени байланыстарды дамыту болды. Бұл форумның негізгі міндеті – зияткерлік әлеуетті арттыру, медицина ғылымы мен тәжірибесін танымал ету, студенттер мен жас ғалымдар арасында тәжірибе алмасу, стоматологиялық қауымдастықтар мен медициналық университеттер жетекшілері арасындағы стратегиялық серіктестікті дамыту.

Форум келесі іс-шаралардан тұрды: олимпиада, ғылыми симпозиум, DAS ассамблеясы және әртүрлі мастер класстар. Олимпиада ортопедиялық, терапевтік, хирургиялық стоматология және стоматологиялық имплантология бойынша өтті.

Қорытындысы: Құрмашева Мөлдір ғылыми жұмыс байқауында 3 орын. Сейтжанова Аружан ғылыми жұмысы үшін «Үздік спикер» номинациясы. Абдихамит Темірлан имплантологиядағы жоғары кәсібилік сертификаты. Қарабаева Алуа терапевтік стоматологиядағы жоғары кәсібилік сертификаты. Жылқайдаров Сарманға ортопедиялық стоматологиядағы жоғары кәсібилігі үшін сертификат.

Форум оқиғалы және қызықты өтті. Әрбір қатысушы баға жетпес тәжірибе мен білім алды.