2024 жылы Кеңес Одағының Батыры, Халық Қаһарманы, тәуелсіз Қазақстанның тұңғыш Қорғаныс министрі, армия генералы – Сағадат Нұрмағамбетовтың, сондай-ақ Рейхстагқа жеңіс туын тіккен Халық Қаһарманы – Рахымжан Қошқарбаевтың туғанына 100 жыл толады.
2024 жылдың 4 және 6 мамыр күндері ҚР ҰҒА-ның академигі Т. Қ. Раисов атындағы молекулалық биология және медициналық генетика кафедрасының оқытушысы Есентаева Аяулым Маулітбекқызының ұйымдастыруымен “Медицина” ББ 1217,1220 топ студенттеріне Ұлы Отан соғысының батырларын еске алуға арналған тәрбиелік мәні бар кураторлық сағат өткізілді.
Кураторлық сабақ барысында Ұлы Отан соғысы майдандарында қаза тапқан арғы аталарымызды, сарбаздар мен офицерлерді еске алуға арналған материалдарды ұсынды. Іс-шараға қатысушылар Ұлы Отан соғысы кезіндегі тарихи фактілермен, сол қиын уақыттағы адамдардың өмірімен танысты. Ашық сабақ презентацияларды көрсетумен қатар жүрді. Сондай-ақ, қатысқан әріптестер Ұлы Отан соғысы батырларының қысқаша өмірбаяндарына, ерліктеріне шолу жүргізді.
Батырларымыздың өзінен кейінгі қалдырған мол мұрасы үшін бас иеміз!
Есентаева А.М., ҚР ҰҒА-ның академигі Т.Қ.Раисов атындағы молекулалық биология және медициналық генетика кафедрасының оқытушысы
