Көктемнің жылы күндерінің басталуымен және күздің аяғына дейін, адамдар табиғат аясында демалу үшін – гүлдер, жидектер, саңырауқұлақтар теру үшін орманға асыққан кезде, кене инфекцияларының да эпидемиологиялық жағдайы күрделене түседі – олар кене энцефалиті, боррелиоз, анаплазмоз, эрлихиоз, олардың қоздырғыштары иксод кенелерінің қан соруы кезінде беріледі. Ең қауіпті аурулардың бірі –кене вирустық энцефалиті (КВЭ) – орталық және перифериялық жүйке жүйесінің зақымдалуымен сипатталатын вирустық инфекция. Ауру 25 күн ішінде көрінбеуі мүмкін. Орташа инкубациялық кезең бір-екі аптаға созылады. Кененің организмі вирустың көбеюі үшін қолайлы орта болып табылады.
2024 жылдың 27-ші мамырында  ЖТД 7 курс интерндерімен ЖТД кафедрасының ассистенттері Ахметова С.С, Енсибаева Ш.Д, Жунусова М.К бірлесіп “Кене энцефалиті және тиімді профилактикалық іс-шаралар”тақырыбында әңгіме өткізілді. Кенелердің адам денесіне түсуіне жол бермеу, анықтау және өз бетімен жою туралы ескерту шаралары талқыланды. Әрине, кене энцефалитінің алдын-алудың ең жақсы шарасы-вакцинация. Кене энцефалитіне қарсы вакцинаны жыл бойы жасауға болады, бірақ вакцинацияны екінші вакцинациядан бастап кем дегенде 2 апта өтетіндей етіп жоспарлау керек ,өйткені кене энцефалитіне тұрақты иммунитет екінші дозаны енгізгеннен кейін ,екі аптадан кейін пайда болады. Ревакцинация үшінші вакцинациядан кейін әр 3 жыл сайын жүргізіледі.