Профессор Т.А. Назарова атындағы физиологиялық пәндер, профессор Ю.В. Пругло атындағы патологиялық анатомия және сот медицинасы кафедраларында жазғы мектеп өтті. Жазғы мектеп – бұл  «Жалпы медицина» мамандығының 2 курс студенттеріне 3 тілде тегін көрсетілетін қосымша білім беру қызметтерінің жүйесі. Жазғы мектептің тақырыбы: «Ісіктердің патологиясы».

    Жазғы мектептің мақсаты – студенттердің патологиялық физиология және патологиялық анатомия туралы білімдерін кеңейту және тереңдету. Сабақтар дәрістер түрінде өтеді. Кафедралар қосымша білім беру бағдарламасының 3 кредитіне сәйкес тақырыптық жоспар құрды. Кафедра оқытушылары студенттердің назарына патологиялық физиология бойынша келесі тақырыптарды ұсынды: Ісіктердің этиологиясы. Ісіктердің пайда болуындағы химиялық, физикалық, биологиялық канцерогендердің рөлі. Ісіктердің пайда болуындағы жүйке, эндокриндік жүйелердің рөлі. Ісіктердің пайда болуындағы тұқым қуалаушылықтың рөлі. Ісіктердің өсуінің патогенезі. Ісіктердің биологиялық ерекшеліктері. Антибластомдық төзімділік. Ісіктің ағзаға әсері, паранеопластикалық процестер. Патологиялық анатомияның тақырыптары: Ісіктердің жалпы мәліметтері, морфогенезі, гистогенезі.

Арнайы локализациясы жоқ эпителий ісіктері. Мезенхималық ісіктер. Экзо- және эндокриндік бездердің ісіктері. Тератомалар. Меланин түзетін тіндердің, жүйке жүйесінің және ми қабықтарының ісіктері. Қан жүйесінің ісіктері.

     Жазғы мектеп тақырыбы студенттер арасында шынайы қызығушылық тудырып, тыңдаушылар саны 56 оқушыға жетті. Тақырыптың өзектілігі күмән тудырмайды. Тақырыпты талқылаудан кейін студенттер мұғалімдерге белсенді түрде сұрақтар қойды. Әсіресе микро- және макропрепараттардың көрсетілімі үлкен қызығушылық тудырды. Жазғы мектептің соңында тыңдаушыларға сертификаттар беріледі.

        Профессор Т.А. Назарова атындағы физиологиялық пәндер, профессор Ю.В. Пругло атындағы патологиялық анатомия және сот медицинасы кафедралары жазғы мектеп оқушыларының алған білімдері болашақта клиникалық кафедраларда көрініс табатынына сенім білдіреді.

Профессор Т.А. Назарова атындағы физиологиялық пәндер, профессор Ю.В. Пругло атындағы патологиялық анатомия және сот медицинасы кафедралары.