Маусымның 15-і күні университетіміздің кәсіподағының ұйымдастыруымен дәрігерлер күніне арналған ұжымдық ойын-сауық (тимбилдинг) шарасы өткізілді. Бұл іс-шара университетіміздің спорттық лагерінде өтті. Ашылу салтанатында оқу орнымыздың ректоры мен проректорлары қызметкерлерді құттықтап лебіздерін білдірді. Мерекелік күн командалық ойындардан басталып, спорттық сайыстарға ұласты. Биылғы шараның ерекшелігі – лагерь ішінде бірнеше алаңдар ұйымдастырылды: ойын аймағы, караоке аймағы, балалар аймағы, үстелдік ойындар аймағы т.б. Мерекеде жақсы атсалысқан, үздік ойын көрсеткен командаларға және белсенді қатысқан балаларға, би алаңында ерекше өнер көрсеткендерге кәсіподақ ұйымының атынан бағалы және қаржылай сыйлықтар табысталды. Мерекелік дастарханды әзірлеуге арнайы аспаз шақырылғанын да атап өткен жөн. Мерекеге арналған тәттілер мен самаурыннан шай ішіп әсем әуенмен таза ауада ләззат алды. Осы думанды оқытушылар қауымы еркін форматта жүргізіп бір-бірлерін құттықтап ән шашуларын ұсынды. Келген әріптестеріміз көтеріңкі көңіл-күйде болып, мерекеге орай университетте өткен жиында алған төсбелгілері мен алғыс хаттары туралы айтып, қуаныштарымен бөлісті. Келген қызметкерлердің барлығы осы шараны ұйымдастырушыларға ризашылықтарын білдіріп жылы тілектерін айтты.