А. А. Козбагаров атындағы акушерия және гинекология кафедрасында, кафедра оқу ісінің меңгерушісі Ш.К. Кинаятованың жетекшілігімен 2024 жылғы 3 ақпан мен 9 наурыз аралығында апта сайын сенбі күндері “практикалық кольпоскопия” тақырыбында қысқы мектеп өткізілді. Оның барысында әйелдердің жыныстық жүйесінің құрылымы, микро және макроскопиялық деңгейде өлшеу, функциялары егжей-тегжейлі қарастырылды. Қысқы мектептің қатысушылары “жалпы дәрігерлік практика”мамандығының жетінші курс интерндері болды.
Қысқы мектеп тыңдаушылары үшін үш кредит және оқу-әдістемелік материалдар есебінен силлабус дайындалды. Кездесу соңында алынған білім бекітіліп, ОҚКЕ әдістемесі бойынша бағалау түрінде кері байланыс алынды. Кафедра қысқы мектептің барлық қатысушыларына алғыс білдіреді.