2023 жылғы 30 Қарашада Д.М. Түсіпова атындағы Педиатрия және медициналық оңалту кафедрасында кафедра ассистенттері Д. О. Ахметжанова, А. А. Капанованың жетекшілігімен университет госпиталінің педиатрия бөлімінде пәннен өтіп жатқан 713 және 714 топтардың жалпы тәжірибелік дәрігер-интерндері үшін пәндік олимпиада өткізілді.

Олимпиаданың мақсаты – интерндердің алған білімдерін бекіту және студенттік өмірде қызықты естеліктер қалдыру.

Олимпиада 3 кезең бойынша өтті. Іріктеу кезеңі болған 1-кезеңде сынақ өткізілді. 2-кезең сұраққа дұрыс жауап бергені үшін әрбір қатысушы 10-нан 50-ге дейін ұпай жинайтын викториналық форматта өтті. 3-ші кезеңде қатысушыларға зертханалық зерттеулердің нәтижелері ұсынылды, олар түсіндіріп, қандай патология туралы айтып жатқанын болжауға тиіс.

Барлық қатысушылар өз білімдері мен тәжірибелерін көрсетті. Қатысқан интерндер арасынан Қуаныш Тұрсынов «Үздік интерн» құрметті атағына ие болып, орындар келесідей бөлінді: 1 орын Төлеуов Олжасқа, 2 орын Жұмагелдинова Назеркеге, 3 орын Пономарева Алисаға бұйырды. Жеңімпаздар мақтау қағаздарымен, қалған қатысушылар алғыс хаттармен марапатталды. Олимпиада соңында интерндер өз пікірлерін білдіріп, ұйымдастырушыларға алғыстарын білдірді. Интерндер олимпиаданың ұнағанын және мұндай пәндік олимпиадалар олардың білімін, тәжірибесін арттырып, резидентурада мамандығын таңдауға одан әрі септігін тигізетінін атап өтті.[/vc_column_text]