«СМУ» КеАҚ Басқарма Төрағасы-Ректор Алтай Дюсуповтың бастамасымен университетіміздің ардагерлерімен және «Күміс университет» жобасының ардагерлерімен мерйтойлық кездесу ұйымдастырылды. Іс-шара университеттің спорттық лагерінде табиғат аясында саяхат түрінде өткізілді. Ардагерлеріміз Ертіс жағасында жаяу серуендеп, сүйікті әуендеріне би билеп өздерінің жылы лебіздерін білдірді. Ардагерлер клубының төрайымы Сандуғаш Төлеуғалиқызына қажырлы еңбегі үшін университет атынан алғыс жарияланды. Мұнымен қатар, ардагерлер арасында 65, 70 жас мерейтой иелері – Оразғайша Ахметқалиқызына, Батима Бабанқызына, Нұркамал Шотанқызына құттықтау тілектері айтылды. Кәсіподақ тарапынан университеттегі қоғамдық жұмыстарға әрдайым ерекше атсалысып жүрген және кездесу барысында белсенділік танытып кештің қызықты өтуі үлес қосқан ардагерлерге бағалы сыйлықтармен тарту етілді. «Жаңбырмен жер көгереді, Батамен ел көгереді» дегендей, жиында бас қосқан ардагерлеріміз университет ұжымына ақ баталарын берді. Осы кешті ұйымдастырған университет кәсіподағының атқарушы комитеті.