02.09.2024 жылы “Семей медицина университеті”КеАҚ бірінші курс студенттеріне арналған салтанатты жиын өтті. Іс — шара барысында Басқарма Төрағасы – Ректор Дюсупов Алтай Ахметқалиұлы құттықтау сөз сөйледі. Ректор өз үндеуінде студенттерге оқуда табыс тілеп, алдағы міндеттер мен біздің университетте оқу мүмкіндіктері туралы айтып берді. Биология ғылымдарының докторы, профессор, ҚР ҰААА корреспондент-мүшесі Мыңжанов Масығұт Рахимұлы құттықтау сөз сөйледі.
Салтанатты бөлім аяқталғаннан кейін 1 курс білім алушыларымен академиялық және тәрбие жұмысы жөніндегі проректор Жанаргүл Қайырғалиқызы Смаиловамен және мектеп декандары Салтанат Есенғалиқызы Узбекова, Ынкар Окимханқызы Қайырхановамен жиналыс өткізіліп, білім алушылар “Семей медицина университеті” КеАҚ академиялық саясатымен таныстырылды.
Бейімделудің бірінші күні соңында білім алушылар университетінің психологы Нұриден Ғалима Ерланқызымен танысты. Психолог жаңа ортаға тез бейімделуді шешу жолдары туралы айтты!
Екінші күні іс-шаралар бірінші курс студенттерін Комплаенс-офицермен, қауіпсіздік бөлімі бастығымен және әртүрлі студенттік клубтар мен ұйымдармен таныстыруға бағытталды. Қатысушылар клубтардың қызметімен танысуға, олардың мақсаттары, жобалары мен іс-әрекеттері туралы білуге мүмкіндік алды. Клубтардың презентациялары бірінші курс студенттеріне қызығушылықтары мен құмарлықтарына сәйкес келетін бағыттарды таңдауға көмектесті.
Бұл екі күн студенттердің жаңа білім беру кеңістігіне сәтті бейімделуіне негіз болды және оларға оқу процесін сенімділікпен және қолдаумен бастауға мүмкіндік берді.
