2024 жылы біз, 307 және 308 топтағы стоматология факультетінің студенттері, әскери кафедраға қабылдандық. Әскери кафедраға түсу үшін ұзақ жолдан өттік: медициналық тексерулерден өтіп, нормативтерді тапсырып, басқа да көптеген кезеңдерді еңсердік.
9 қыркүйектен бастап кафедрада жоспарлы сабақтар басталды. Сабақтар студенттерге өте ұнайтынын атап өткім келеді. Осы уақыт аралығында біз әлдеқайда тәртіпті, ұйымдасқан болдық, әскери киім үлгісін дұрыс киюді үйрендік, саптық дайындық пен қарумен жұмыс істеу тәсілдерін меңгердік.
“СМУ” КеАҚ екінші курс студенттерін әскери кафедраға оқуға шақырамыз. Бұл тәжірибе болашақта, әрі жеке қабілеттерді дамытуда, әрі кәсіби мансапта өте пайдалы болуы мүмкін.
