2024 жылғы 20 қыркүйекте симуляциялық және білім беру технологиялары кафедрасының оқытушылары, 3412, 3628 Жалпы Медицина, 102 Фармация топтарының студенттері, сондай-ақ кураторлық топтардың студенттері Абай атындағы облыстық  кітапханада болып, “KitapTime-2024” III жалпы республикалық кітап фестиваліне қатысты. Іс-шараға зияткерлік қоғамдастық өкілдері, ақындар, жазушылар, мәдениет қайраткерлері, кітапхана оқырмандары, қаланың басқа жоғары оқу орындары, колледждері мен мектептерінің білім алушылары қатысты.

Іс-шараны кітапхана директоры М.Карт ашты, ол фестиваль қатысушыларына құттықтау сөз сөйлеп, қазіргі жастардың оқуға деген қызығушылығы жыл сайын артып келе жатқанын атап өтті.

Кітапхана қызметкерлері “Абай жолы” кітапханасы – жауһар туындылар”, “Семей жазушылары мен ақындары”, “Менің сүйікті кітабым”, “Менің туған өлкем” атты кітап көрмелерін ұсынды. “Тірі кітапхана” бағдарламасы аясында танымал ақындармен, қолданбалы өнер шеберлерімен кездесулер, “Менің туған қалам Семей” тақырыбында шеберлік сыныптары, қолдан жасалған бұйымдардың көрсетілімі өтті. “Әбіл” студиясының қатысушылары “Күзгі пейзаждар” тақырыбында суреттер көрмесін ұсынды. Білім алушылар көптеген қызықты және танымды ақпарат алып қана қоймай, фестивальға үлкен қуанышпен қатысты.