2024 жылдың 25 қыркүйегінде “Жалпы медицина” мамандығының 431 тобының кураторы Әсел Ришатқызы Тукинова студенттер үшін таныстыру кураторлық сағатын өткізді. Кездесу барысында ол білім алушыларды негізгі академиялық саясатпен және олардың университеттегі қызметін реттейтін нормативтік-құқықтық актілермен таныстырды.

Студенттер ұсынылған құжаттарды талқылауға белсенді қатысып, өздерін қызықтырған сұрақтарын қойды. Куратор академиялық саясаттың негізгі ережелерін, пәндер саясатын, ішкі тәртіп ережелерін және өткізіп алған сабақтарды өтеу тәртібін түсіндірді. Куратор мен топ арасындағы диалог студенттердің оқуы үшін маңызды ақпаратты тиімді игеруіне ықпал етті.

Іс-шара достық атмосферада өтті, бұл куратор мен 431 топ студенттері арасында сенімді байланыс орнатуға мүмкіндік берді.