Бұл күні бүкіл әлемде қарттарға арналған түрлі іс-шаралар өткізіледі. Қазақстанда атаулы күн ресми мерекелер тізіміне енгізіліп, жыл сайын атап өтіледі. 2024 жылдың 24 қыркүйегінде КеАҚ “СМУ” симуляциялық және білім беру технологиялары кафедрасы қарттар күніне арналған мерекелік іс-шара өткізді. Мерекелік іс – шараға медицина саласындағы еңбек ардагері, Денсаулық сақтау үздігі, ҚР ана мен баланы қорғау, конфессияаралық және ұлтаралық қатынастарды реттеу саласындағы қоғам қайраткері, қалалық Достық үйінің “Ахау Семей” ұлттық құндылықтарды сақтау орталығының төрағасы Жұматаева Гүлжихан Әмергалықызы қонақ ретінде шақырылды.
Симуляциялық және білім беру технологиялары кафедрасының меңгерушісі, м.ғ. к., доцент Муканова Динара Адлетовна құттықтау сөз сөйледі.
Концерттік бағдарламаға кураторлық топтардың білім алушылары, сондай-ақ 3618 топ студенті Базарбаев Д., 3616 топ студенттері Қайыржанова Г, Шакарова Н. және 3409 тобы өнер көрсетті.
Жұматаева Гүлжихан Әмірғалиқызы өзінің өмірлік тәжірибесімен бөлісіп, білім алушылардың сұрақтарына жауап берді. Іс-шара соңында фотосессия өтті.
