2024 жылдың 25 қыркүйегінде 3409, 3411, 3616, 3424, 3429 Жалпы Медицина топтарында оқитын студенттер, симуляциялық және білім беру технологиялары кафедрасының оқытушылары, сондай-ақ кураторлық топтардың студенттері Абай атындағы облыстық  кітапханада болып, “Қазақстанның әлеуметтік-экономикалық даму векторлары” ақпараттық сағаты өтті. Іс-шара екі тілде өткізілді. Ақпараттық сағаттың негізгі тақырыбы Қазақстан Президентінің 2025 жылға арналған “Әділ Қазақстан: Заң және тәртіп, экономикалық өсу, қоғамдық оптимизм” атты жыл сайынғы жолдауын зерделеу және талқылау болды. Білім алушылар Жолдаудың негізгі бағыттарымен, экономиканы дамытудың жаңа бағыттары, Салық кодексіндегі және фискалдық реформадағы өзгерістер туралы біліп, инфрақұрылым және су ресурстары проблемаларымен танысты. Кітапхана мамандары жас медицина мамандары үшін маңызды болып табылатын кадрлық әлеует пен ұлт денсаулығын нығайту мәселелеріне баса назар аударды. Сонымен қатар, өркендеген мемлекеттің маңызды аспектілері – заңдылық, тәртіп пен патриотизмге тоқталды. Себебі, қоғамның осы қасиеттері мемлекетке “Жаңа Қазақстан” болуға көмектеседі, оның негізгі постулаттары – “Жауапты азамат – Адал еңбек – Лайықты жетістік”. Білім алушылар үшін Қазақстанның әлеуметтік-экономикалық дамуы бойынша кітап көрмесі дайындалды.