Профессор М.М. Уразалин атындағы микробиология кафедрасының оқытушылары  Мәлік М.М., Ортбаева Ф.Н. тәрбие және кәсіптік бағдар беру жұмысының жоспары бойынша N11 және N42 жалпы білім беретін орта мектептерде болды. 2024 жылдың 27 ​​қыркүйегінде осы мектептердің 10 және 11 сынып оқушыларымен кездесу ұйымдастырылып, онда оқушылар біздің СМУ КеАҚ-пен жақынырақ танысты. Студенттер қандай мамандықтар бойынша білім алып жатқаны және оқуды бітіргеннен кейінгі перспективалары жайлы айтылды. Сондай-ақ  Medical Foundation бағдарламасының ұйымдастырылуы туралы ақпарат берді. Оқушылар көптеген сұрақтар қойып, барлық сұрақтарына жауаптар алды, сонымен қатар  оқушыларға және олардың ата-аналарына арналған ақпараттық   материалдар және университетіміздің кітапшалары қалдырылды. Іс-шара қызықты және пайдалы болды, өйткені мектеп оқушылары өмірдегі басты басымдықтардың бірі болашақ мамандығын дұрыс, саналы таңдау екенін ұғынды.