Талапкерлерді тартудың 2024 жылға арналған жоспарына сәйкес, «Семей қаласының медициналық университеті» коммерциялық емес акционерлік қоғамы мен “Абай облысының білім басқармасы” мемлекеттік мекемесінің меморандумы  аясында, Қабылдау комиссиясы және Medical Foundation  қызметкерлері және  «СМУ» КеАҚ профессорлық-оқытушылық құрамымен бірлесе отырып, Шығыс Қазақстан облысы мен Абай облысына қарасты аудан  мектептерінің түлектеріне  кәсіптік бағдар беру жұмысын жүргізді. Аталған шара екі ай көлемінде өткізілді. Талапкерлерді оқуға  қабылдау сапасын арттыру аясында екі облыстың мына аудандарына профориентациялық  жұмыстар  ұйымдастырылды: Аягөз, Абай, Ақсуат, Бесқарағай, Жарма, Көкпекті, Үржар, Мақаншы, Зайсан, Күршім, Самар, Тарбағатай, Шемонайха, Ұлан, Глубоковский, Марқакөл, Алтай, Үлкен-Нарын, Катон-Қарағай, Риддер және Курчатов қалалары.