Жасөспірімдер мен жастардың репродуктивті денсаулығын сақтау үлкен әлеуметтік маңызға ие. Бүгінгі фертильді жасқа кірген балалар мен жасөспірімдердің репродуктивті денсаулығының жағдайы, кейінгі 10-15 жылдағы демографиялық процестерге тікелей әсер етеді. Жасөспірімдік кезең-бұл өмір бойы денсаулықты сақтауға көмектесетін білім, дағдылар мен құндылықтарды игерудің маңызды кезеңі. Репродуктивті және жыныстық денсаулықты сақтау үшін жасөспірімдерге ақпарат, өмірлік дағдыларды үйрету, жыныстық және репродуктивті денсаулық пен отбасын жоспарлау қызметтерін ұсынатын қолжетімді және мейірімді медициналық-әлеуметтік қызметтер қажет. Ең алдымен, жасөспірімдерге жыныстық және репродуктивті денсаулық мәселелері бойынша кешенді профилактикалық білім қажет, бұл олардың мінез-құлқына қатысты жауапты шешімдер қабылдауға, сондай-ақ зорлық-зомбылықсыз және өзара құрмет пен гендерлік теңдікке негізделген қарым-қатынастарды құру үшін ақпарат-білімге және дағдыларға үйретеді.
27.11.2024 ж. бүгінгі таңда жасөспірімдердің репродуктивті денсаулығы ең өткір медициналық-әлеуметтік проблемалардың бірі ретінде танылғанын ескере отырып, Семей қаласының ЖТД кафедрасының қызметкерлері кафедра меңгерушісі, профессор А.А. Дюсупова, оқытушыларв Г. Т. Камашева, Т. М. Беляева, В. Т. Ахметова, Т.И.Терехова 709-топ интерндерімен бірлесіп №18 мектепте «Жасөспірімдердің репродуктивті денсаулығы» тақырыбында оқушылармен Профилактикалық медицина мектебін ұйымдастырды және өткізді.
Репродуктивті денсаулықтың негізі балалар мен жасөспірімдерде қаланады. Жасөспірімдердің репродуктивті денсаулығына ең басты қауіптері ол аурудың дәстүрлі медициналық себептері емес, керісінше олардың өмір сүру қағидалары – салауатты өмір салтын ұстанбау, зиянды заттарды (алкоголь, есірткі, темекі шегу) қолдану, сондай-ақ жыныстық өмірді ерте бастау және контрацепция әдістерін жеткіліксіз қолдану. Дені сау сәбилер дүниеге келуі үшін кез келген адам өзінің репродуктивті денсаулығын қалай сақтау керектігін жас кезден білуі керек.
