Нагасаки университетінде (Жапония) MEXT бағдарламасы аясында «Апаттар және радиациялық әсер ету медицинасы» мамандығы бойынша магистратураға өтініштер ашық. Бағдарлама 2 жылға есептелген, оқудың басталуы 2025 жылдың қазаны.
Конкурсқа қатысуға «СМУ» КеАҚ соңғы курс студенттері, интерндер, резиденттер, оқытушылар және ӘБҚ шақырылады.
Өтініш беру үшін 09.12.2024 дейін ағылшын тілінде CV (міндетті түрде фотосуретпен және байланыс ақпаратын көрсетумен) smu.partnership@smu.edu.kz электрондық поштасына жіберу қажет
Өтінім берген барлық үміткерлер университеттің конкурстық комиссиясымен сұхбатқа шақырылады. Сұхбат нәтижелері бойынша Нагасаки университетінің профессорларымен екінші тур – сұхбаттасу өтеді.
MEXT – Жапонияның білім, мәдениет, спорт, ғылым және технологиялар министрлігі қаржыландыратын, Жапония университеттерінде білім алғысы келетін халықаралық студенттерге арналған ең танымал халықаралық стипендиялық бағдарламалардың бірі.
Іріктеу критерийлері:
- Ағылшын тілінің жоғары деңгейі.
- Жоғары оқу үлгерімі және мотивация.
- Егер үміткер Нагасаки университетінің профессорларымен сұхбаттасудан сәтті өтсе, IELTS сертификатының болуы қажет.
Қосымша ақпарат алу үшін халықаралық ынтымақтастық бөліміне (306 кабинет) хабарласуыңызды сұраймыз.
