Ағымдағы жылдың 18 қаңтарында дене шынықтыру кафедрасы, СМУ КеАҚ дене шынықтыру кафедрасының оқытушысы Е. Б. Абдрахманов және ЖББП кафедрасының оқытушысы Ж. К. Жайырбаева “күміс университеті“ бағдарламасы аясында қаламыздың зейнеткерлерін “Медик“университетінің спорт лагеріне сауықтыру серуеніне шақырды. Іс–шарада 20-ға жуық зейнеткерлер  шаңғы теуіп, таза ауада серуендеп, түрлі спорттық ойындарға  қатысты.  “Семей“ медицина университеті 2021 жылдан бастап “Күміс университет“ еріктілер бағдарламасына қатысып, Семей қаласының зейнеткерлерін түрлі спорттық, мәдени, ойын-сауық іс-шараларын өткізеді.