2025 жылғы 13 ақпанда жалпы медицина факультетінің 3337-топ студенттері үшін «Қарым-қатынас этикасы және адамның өміріндегі әдеп ережелері» тақырыбында кураторлық сағат өтті. Сабақты эпидемиология және биостатистика кафедрасының аға оқытушысы, PhD Гүлбаршын Дарынқызы Мукашева жүргізді.

Кездесу барысында этикалық қарым-қатынастың негізгі аспектілері, кәсіби және күнделікті өмірдегі сыпайылық пен құрметтің рөлі, сондай-ақ әртүрлі жағдайларда өзін-өзі ұстау ережелері талқыланды. Әсіресе, медицина қызметкерлерінің коммуникативтік дағдыларына және олардың пациенттермен және әріптестермен жұмысындағы маңызына ерекше көңіл бөлінді.

Студенттер белсенді қатысып, сұрақтар қойып, өз пікірлерімен бөлісті. Кураторлық сағат өнімді атмосферада өтіп, қарым-қатынас мәдениетін дамытуға және медициналық тәжірибеде этикалық нормалардың маңыздылығын түсінуге ықпал етті.