Педиатрия және медициналық оңалту кафедрасының ассистенті Тусупова Д.М. жетекшілігімен интерн-педиатр, 6 курс студенті Арынгазинова Дильназ Қазан мемлекеттік медицина университеті ұйымдастырған «Педиатрия — болашаққа көзқарас» атты студенттік олимпиадаға дайындалды.

МТС Линкс платформасында қашықтықтан өткізілетін бұл олимпиада педиатрия саласындағы теориялық және практикалық білімді, клиникалық ойлау қабілетін және шығармашылық шешім қабылдау дағдыларын анықтауға бағытталған. Қатысушыны дайындау үдерісі бірнеше бағытты қамтыды: медицина тарихы, блиц-тест тапсырмалары, клиникалық жағдайларды талдау және балаларға шұғыл көмек көрсету сценарийлерін модельдеу.

Кафедра ассистенті Бектар Ж.С. және доцент Тусупова Д.М.-нің жетекшілігімен студент пәндік сабақтар циклінен өтіп, күрделі тапсырмаларды орындады, топтық жаттығуларға қатысты және презентациялық материалдарды дайындау бойынша құнды ұсыныстар алды. Әсіресе, аналитикалық ойлау қабілетін, командалық жұмысты және шектеулі уақыт жағдайында тиімді шешім қабылдау дағдыларын дамытуға ерекше көңіл бөлінді.

«Олимпиадаға дайындық — бұл тек білім сынағы ғана емес, сонымен қатар болашақ маман ретінде кәсіби жетілу мен өзін-өзі танытудың маңызды мүмкіндігі», — деді жетекші.

Арынгазинова Дильназдың олимпиадаға қатысуы оны білікті, сенімді және болашағы зор педиатр маманы ретінде қалыптастыру жолындағы маңызды қадам болды.