Бүгін әр студенттің өмірінде көптен күткен және қызықты оқиға орын алды – диплом алу, ол мамандықты меңгерудің негізгі кезеңін сәтті аяқтағанын және маман болудың жаңа деңгейіне өтуін білдіреді.
«Денсаулық сақтау бакалавры» дәрежесі Медицина және педиатрия мектебінің, Қоғамдық денсаулық сақтау, стоматология, фармация және мейірбике ісі мектебінің және шетелдік білім алушылар мектебінің 765 түлегіне берілді. Сонымен қатар, салтанатты жағдайда 109 түлекке запастағы медициналық қызметтің лейтенанты атағы берілді.
Бұл күні медицина бакалаврларына университеттің академиялық блогынан, тәлімгерлерінен және ата-аналарынан көптеген жылы сөздер айтылды.
Салтанатты рәсім барысында оқудың барлық жылдарында жастар мен студенттер қозғалысының дамуына қосқан үлесі үшін ЖОО-ның қоғамдық өмірінде өзін белсенді танытқан студенттерге алғыс хаттар табысталды.