Семей ядролық сынақ полигонының жабылғанына 35 жыл толуына арналған іс-шаралар жоспарын іске асыру аясында 3 тамыз күні Үлкен конференц-залда «Ядролық сынақтардың салдары – планетарлық денсаулыққа төнген сын-қатерлер» тақырыбында ашық дәріс өткізілді.
Дәрісті стратегиялық даму және халықаралық ынтымақтастық жөніндегі проректор Алма Нұртазина оқыды. Іс-шараға университеттің әкімшілік-басқару персоналының өкілдері қатысты.
Дәріс барысында ядролық сынақтардың ұзақ мерзімді салдары тек адам ағзасына тікелей әсерімен ғана шектелмей, адам тіршілігімен байланысты экожүйелерге келтіретін зиянды ықпалы тұрғысынан қарастырылды. Баяндамашы адам денсаулығын Жер экожүйелерінің, оның ішінде климаттың, биоалуантүрліліктің және қоршаған ортаның жай-күйінен ажыратпай қарастыратын кең ауқымды тұжырымдама ретінде планетарлық денсаулықтың маңызын атап өтті.
Сондай-ақ экологиялық және медициналық-әлеуметтік тәуекелдердің алдын алуда медициналық қауымдастықтың, ғылым мен білімнің рөліне, сондай-ақ денсаулық сақтау және орнықты даму саласындағы халықаралық ынтымақтастықтың маңыздылығына ерекше назар аударылды.
Осындай іс-шараларды өткізу Семей ядролық сынақ полигоны қызметінің қайғылы зардаптары туралы тарихи жадыны сақтауға, экологиялық және әлеуметтік жауапкершілікті арттыруға, сондай-ақ университет қызметкерлері арасында орнықты даму мәдениетін қалыптастыруға ықпал етеді.
Аталған іс-шара Біріккен Ұлттар Ұйымының Орнықты даму мақсаттарының қағидаттарына сәйкес келеді және қоршаған орта факторларының адам денсаулығына әсері туралы білімді насихаттау арқылы ОДМ 3 «Салауатты өмір және әл-ауқат», ғылыми білімді тарату және қызметкерлердің хабардарлығын арттыру арқылы ОДМ 4 «Сапалы білім», жаһандық экологиялық сын-қатерлерге жауапкершілікпен қарау мәдениетін қалыптастыру арқылы ОДМ 13 «Климаттың өзгеруіне қарсы іс-қимыл», техногендік ластанудың табиғи экожүйелерге ұзақ мерзімді әсері мәселелерін қамту арқылы ОДМ 15 «Құрлық экожүйелерін сақтау», бейбітшіліктің, ядролық қауіпсіздіктің және гуманитарлық апаттардың алдын алудың маңыздылығын айқындау арқылы ОДМ 16 «Бейбітшілік, әділдік және тиімді институттар», сондай-ақ денсаулық сақтау мен қоршаған орта саласындағы жаһандық мәселелерді шешу үшін ғылыми қауымдастықтың, мемлекеттік органдардың және халықаралық ұйымдардың күш-жігерін біріктіру қажеттігін айқындау арқылы ОДМ 17 «Орнықты даму мақсатындағы әріптестік» іске асырылуына өз үлесін қосады.
