Пәндік олимпиада “Фармакология кафедрасының үздік студенті”
2024 жылдың 25 сәуірінде фармакология кафедрасы. М. Н. Мусин атындағы фармакология кафедрасы 3 курс студенттері арасында пәндік олимпиада өткізді. Кафедраның оқу меңгерушісі Желдібаева Үміт Тоқтағазықызы , кафедра оқытушылары Какытаева Әсел Эрдосқызы , Жұматай Ақжан Болатқызы “Фармакология кафедрасының үздік студенті ” атты пәндік олимпиада ұйымдастырды. Олимпиадаға қазақ,орыс,шетел бөлімшелерінің студенттері қатысты. Олимпиада 3 кезеңнен тұрды. Бірінші кезең– QWIZZ платформасында сұрақтарға жауап беру, екінші кезең–клиникалық жағдайды шешу, үшінші кезең–латын тілінде рецепт жазу. Фармакология кафедрасының меңгерушісі Тулеутаева Райхан Есенжановна барлық қатысушыларға фармакология циклінің сәтті аяқталуы мен сәттілік тіледі. Олимпиадаға 64 студент қатысты, олардың 7-і жүлделі орындарға ие болды. Барлық қатысушыларға қатысқаны үшін сертификаттар берілді. Жеңімпаздарға университетіміздің логотипі бар сыйлықтар табысталды. Олимпиада қорытындысы бойынша: 1 орын – Өміралинов Ерасыл, 2 орын–Арыстан Мақсат, Төлеген Махамбет, 3 орын – Айдарбекқызы Ақмаржан, Ehtisham Mushtoq, Lajpat. Өткізілген олимпиада студенттер арасындағы бәсекелестіктің дамуына ықпал етіп, оларды жақсы нәтижелерге және өзін-өзі жетілдіруге ынталандырды.
Details
