Мен дәрігерлік жоғары білімімді Семей мемлекеттік медицина академиясында 2008 жылы алдым. Кейін Үндістанға оралып, MSA емтиханын тапсырдым. Бұдан кейін жергілікті ауруханаларда біраз уақыт қызмет еттім. Кейін денсаулық сақтаудағы MBA дәрежесіне ие болдым. Мені денсаулық сақтау саласының әкімшілік жағы әрқашан қызықтыратын. Бакалавр дәрежесін алғаннан кейін, осы саланы меңгергім келген еді. Сондықтан да оқуды тәмамдағаннан кейін әкімшілікте толық жұмыс күнімен жұмыс істей бастадым. Эндокринология бағыты бойынша медицина бағдарламасының коммерциялық бөлімшесінде қызмет атқардым. Кейін мекеме директоры қызметіне дейін көтерілдім. Онда жылдан астам жұмыс істедім. Кейін жұмыс бағытын толықтай өзгерттім. Қазіргі уақытта мен медициналық туризм саласында жұмыс істеймін. Әлемнің түкпір-түкпірінен пациенттердің келіп, ем алуына жағдай жасаймын.
Мен барлық білімімді Семей мемлекеттік медицина академиясында алдым. Семей менің екінші үйіме айналды. Университет қабырғасында алған білімді ұмытқан емеспін. СММА менің қызмет жолымда ерекше орын алады. Осы оқу орнында білім алу мен үшін үлкен тәжірибе болды. Ондағы барлық адамдар бізге жылы қабақ танытып, қамқоршы болды. Алған біліміміз де жоғары деңгейде болды. Академияда бірге оқыған курстастар қазір дүниенің түкпір-түкпірінде қызмет етеді. Қазір де олармен араласып тұрамыз. Олардың кейбірі АҚШ, Таяу Шығыс, Үндістан және Пәкістанда жұмыс істейді. Семей мемлекеттік медицина академиясына берген білімі үшін алғыс айтамын.
