Мемлекеттік сатып алу бөлімі университеттің құрылымдық бөлімшесі болып табылады. Бөлім өз жұмысында басқарма төрағасының ұйымдастыру және экономикалық жұмыс жөніндегі орынбасарына бағынады.
Мемлекеттік сатып алу бөлімінің негізгі мақсаты тауарларды, жұмыстар мен қызметтерді мемлекеттік сатып алуды ұйымдастыру және жүзеге асыру болып табылады. Жоспарлаудың тиімділігін, университеттің үздіксіз қызметін қамтамасыз ету және Мемлекеттік сатып алуды құқықтық реттеу қағидаттарын сақтай отырып, Мемлекеттік сатып алу үшін пайдаланылатын ақшаны оңтайлы және тиімді жұмсау.
Бөлімнің міндеті қызметтің жұмыс істеуі және ҚР қолданыстағы заңнамасына сәйкес сапалы оқыту мақсатында университеттің барлық бөлімшелерін тауарлармен, жұмыстармен, қызметтермен қамтамасыз ету болып табылады. Ол үшін мемлекеттік сатып алу бөлімі мынадай функцияларды орындайды:
- мемлекеттік сатып алудың жылдық жоспарын әзірлеу және бекіту, сондай-ақ бекітілген даму жоспары негізінде жоспарға өзгерістер мен толықтырулар енгізу;
- конкурстар, бір көзден сатып алу және Мемлекеттік сатып алу веб-порталында баға ұсыныстарын сұрату тәсілімен сатып алу арқылы тауарларды, жұмыстар мен көрсетілетін қызметтерді мемлекеттік сатып алуды жүзеге асыру;
- өнім берушілердің мемлекеттік сатып алу жөніндегі шарттар бойынша міндеттемелерін орындауын бақылау;
- Қазақстан Республикасының Мемлекеттік сатып алу туралы заңнамасының сақталуын бақылауды жүзеге асыру.
