Виварий алғаш 1964 жылы құрылған, «Семей Медициналық университеті» КеАҚ-ның («СМУ» КеАҚ) құрылымдық бөлімшесі болып табылады. Виварий ғылыми жұмыстарға (ғылыми тәжірибелер жасауға) және оқу үрдісінде (көрнектілікті қамтамасыз етуге) пайдаланылатын зертханалық жануарларды ұстауға және өсіруге арналған.
Виварий өз қызметін Ғылым және стратегиялық даму жөніндегі Басқарма төрағасы орынбасарының басшылығымен жүзеге асырады.
Виварийдың негізгі міндеттері жануарларды ұстау мен олармен жұмыс жасаудың биоэтикалық ережелерінің сақталуын, тәжірибелік және зертханалық зерттеулерде стандартты жұмыс рәсімдерін қатаң сақтауды қамтамасыз ету. Медициналық ғылым мен техниканың соңғы жетістіктері мен озық ғылыми-зерттеу жобаларына негізделген ғылыми зерттеулердің халықаралық стандарттарына сәйкес келетін елдің жетекші ғылыми және білім беру кешені ретіндегі «СМУ» КеАҚ ұстанымын нығайту. Ғылыми және тәжірибелік технологиялардың қазақстандық және шет ел нарықтарында «СМУ» КеАҚ-ны дамытуға жәрдемдесу. «СМУ» КеАҚ жүзеге асыратын қызметтер мен қызмет бағыттарының бәсекеге қабілеттілігін қамтамасыз ету. Жетекші өндірістік ұйымдармен, ғылыми орталықтармен ынтымақтастық негізінде медицинаның фундаменталды және қолданбалы ғылыми зерттеулерін дамыту. Виварийды заманауи зертханалық құрал-жабдықтармен, зертханалық және желілік жануарлармен жарақтандыру, барлық ресурстарды оқу және зерттеу мақсаттары үшін пайдалану.
