2023 жылдың 31 наурызда “Семей медициналық университеті” КеАҚ жаңа маңызды оқиғамен толықты, ол стоматологиялық клиниканың ашылуы. «Стоматологиялық клиника» СМУ (Семей медицина университеті) стоматологиялық емханасы дені сау, әдемі күлкіге ие болғысы келетіндердің барлығына есігін айқара ашты.
Клиника “Стоматология” мамандығы бойынша “Бакалавриат”, “Интернатура” және “Резидентура” студенттерінің клиникалық құзыреттерін дамыту, сондай-ақ Семей қаласы мен Абай облысының тұрғындарына шұғыл және жоспарлы стоматологиялық көмек көрсету мақсатында құрылған.
Клиника заманауи стоматологиялық жабдықтармен, диагностикалық аппараттармен, заманауи пломбалау материалдарымен және құралдармен жабдықталған. Клиникада ересектер мен балаларға арналған екі хирургиялық стоматологиялық кабинет, сондай-ақ ересектер мен балаларға арналған екі емдік стоматологиялық кабинет жұмыс істейді.
Осы негізде білім алушылар өздерінің кәсіби құзыреттерін, практикалық дағдыларын дамытып, білімдерін бекітеді. Жоғары курс студенттері, интерндер әртүрлі тіс ауруларымен ауыратын науқастарды клиникалық тәлімгерлер мен оқытушылардың жетекшілігімен қабылдайды. Клиникалық тәлімгерлер, оқытушылар стоматологиялық пәндер және жақ-бет хирургиясы кафедрасының профессорлары, доценттері, жоғары, бірінші медициналық санаттағы стоматологтар болып табылады, олар да әртүрлі стоматологиялық аурулары бар науқастарға кеңес береді және қабылдайды.
