Жалпы хирургия кафедрасы 1955 жылы Семей ст. бөлімшелік ауруханасы базасында көп салалы төсек қорымен 1997 жылға дейін құрылды.
1997 жылдан бастап қазіргі уақытқа дейін кафедраның клиникалық базасы Семей қ. ЖЖМА хирургиялық бөлімшесі болып табылады.
Кафедраның алғашқы меңгерушісі болып профессор Ясногородский Александр Яковлевич болған. Одан кейінгі жылдары кафедраны профессорлар: Чуваков, А. С. Ыдырысов, М. д. Арсланов, А. и. Барышников, Д. И. Даренский; доценттер: Е. А. Абдрахманов, С. Ш. Шарипов, М. А. Қалдыбаев басқарған.
1983 жылдан 1995 жылға дейін кафедраны ҚР Еңбек сіңірген ғылым қайраткері, РФ еңбек сіңірген өнертапқышы, профессор В.И. Нагибин басқарған.
1997 жылдан 2018 жылға дейін кафедраны м.ғ.д., профессор Ботабаев Серікжан Исағалиұлы басқарды.
Факультеттік хирургия (кафедрасы) 1956 жылы құрылған. Кафедраның алғашқы ұйымдастырушысы және меңгерушісі профессор Александр Яковлевич Ясногородский болған.
Әр жылдары кафедраны доцент М.А. Лихтентул, профессор Н.А. Телков, медицина ғылымдарының докторы В. Ф. Диденко, доцент Т. А. Қазкенов басқарған.
1993 жылдан 2006 жылға дейін факультеттік хирургия кафедрасын м.ғ.д. профессор Жақсыбай Шаймарданұлы Жұмаділов басқарды. Кафедра штатында жұмыс істегендер: профессор М.М. Гладинец, профессор П.И. Какенова, доцент Г.Н. Абишева, ассистенттер: м.ғ. к. Г. Г. Васьковский, Г.Е. Берикханова, А.А. Кусаинов, К.Д Акимжанов, Д.Ж. Тажибаев., аспирант Деборши Баттачарджи, клиникалық ординаторлар: И.П. Савченко, Қ.Т. Қажыкенов. Ғылыми әзірлемелердің нәтижелері бойынша Шығыс Қазақстан өңірінде және Павлодар қаласында екі докторлық диссертация және хирург ізденушілердің 15-тен астам кандидаттық диссертациялары қорғалған.
2007 жылдан 2012 жылға дейін конкурс бойынша кафедра меңгерушісі болып, доцент М.М. Гладинец сайланған.
2012 жылдан 2017 жылға дейін кафедра қызметкерлері хирургия және травматология кафедрасының құрамында болды, кафедра меңгерушісі М.А. Жанаспаев болды. Кафедра хирургия және урология бойынша ағылшын тілінде хирургиялық пәндерді оқытудың әдістемелік орталығы болды.
2018 жылдан бастап конкурс бойынша кафедра меңгерушісі болып м.ғ.к. М.Т. Кудербаев сайланды.
2018 жылдан бастап факультеттік хирургия кафедрасының қызметкерлері жалпы хирургия кафедрасымен м.ғ.к. Кудербаев М.Т. жетекшілігімен жаңа хирургиялық пәндер кафедрасына бірікті.
Кафедра құрамына жалпы хирургия, факультеттік хирургия, урология курсы кірді. Кафедра штатында: профессор Ботабаев С.И., кафедра доценті Қалдыбаев М. А., ассистенттер м. ғ. к. Кусаинов А.А., м. ғ. к. Акимжанов К. Д., Қажыкенов Қ.Т., Ашубаева А. К., Аккалиев М.Н., Базарбеков Р.Ж., Кайрамбаев Е.М., Бухариева С.С., Кусаинов А.М., зертханашы Надыбина М.Н.
Кафедра қызметкерлерінің ғылыми жұмыстарының бағыттары бауырды қалпына келтіру, гепатобиллиарлық жүйенің ауруларын диагностикалау және емдеу, қалқанша бездің қатерлі ісіктері, гастродуоденальды қан кету және іріңді хирургиялық инфекцияның алдын-алу мәселелеріне бағытталған.
Кафедра қызметкерлері панкреатодуоденальды резекция кезінде Вирсунг түтігінің декомпрессиясымен инвагинациялық панкреатоеюноанастомоздың бірегей әдістерін, тікелей гастродуоденанастомозды қолдана отырып, 12 елі ішектің “қиын” жаралары кезінде асқазанды резекциялауды, перитифлит тифлиті құбылыстары кезінде құрт тәрізді өсіндіні өңдеу тәсілдерін, түсіру сақиналарын пайдалана отырып, операциядан кейінгі вентральды жарықтарды, өңеш хирургиясында эвертирленген бір қатарлы тігістерді әзірледі, ащы және тоқ ішек абдоминальды операцияларында көптеген хирургиялық құралдар жетілдірілген.
Сонымен қатар, қызметкерлер асқазан-ішектен қан кетудегі және іш қуысының жедел хирургиялық ауруларындағы волемиялық бұзылуларды зерттеді.
Жедел ішек өтімсіздігі мен перитонит кезінде олар ұсынған декомпрессивті еюностомия әдісі кең клиникалық қолдануды табады, бұл жоғарыда аталған патологияларда операциядан кейінгі өлімнің айтарлықтай төмендеуіне әкелді.
Клиникада Қазақстанда алғашқылардың бірі болып Ресей Федерациясында әзірленген “Лига-7” құралдар жиынтығын пайдалана отырып, өт қалтасы мен бүйректен тыс өт жолдары хирургиясында шағын қолжетімді операциялар әдісі енгізілді.
2000-нан астам операция жасалды. Холецистэктомия әдістері және билиодигестивті анастомоздарды, Одди сфинктерін, гепатикохоледохтың тыртықты стриктураларында реконструктивті операцияларды қолдана отырып, бауырдан тыс өт жолдарында операция жасауға мүмкіндік беретін хирургиялық құралдар жетілдірілді.
Кафедра қызметкерлері Семей өңірінің тұрғындарына үлкен емдеу-консультациялық көмек көрсетті. Құрсақ қуысы мүшелерінің жедел хирургиялық патологиясы және басқа хирургиялық ауруларды бар науқастарды диагностикалау мен емдеудің заманауи әдістері енгізілуде.
Кафедрада студенттермен қашықтықтан сабақтар өткізіледі.
1957 жылы Семей медициналық институтында урология курсының негізі қаланды.
Урология курсының алғашқы негізін қалаушы және басшысы доцент Мальков Алексей Сергеевич болды.Ұлы Отан соғысына қатысып, 1957-1959 жж. ” Қызыл Алау” және екі “Қызыл Жұлдыз” орденімен марапатталды, запастағы полковник. Шницер Леонид Яковлевич-доцент,1960- 1963 жылдары “Нейрогенді қуық” моногрофиясының авторы.6 тілді еркін меңгерген. Тащиев Юрий Сергеевич-доцент,1964-1981 жылдары “Іштің көлденең бұлшық етімен бүйректі фиксациялау әдісін” ойлап тауып,практикаға енгізді.
Пестеров Анатолий Александрович, доцент.1981-1994 жж. урология курсына жауапты болды.”Несепағар стриктурасы кезінде пластикалық операция” әдісін ойлап тауып, оперативті урологияға енгізді. Жиенбаев Ерсайн Рамазанович, доцент. 1994 жылдан 2001 жылға дейін курс басшысы. Аккалиев Мерхат Нтабекович,ассистент. 2001 жылдан қазіргі кезге дейін курсқа жауапты. Базарбеков Ратбек Женисбекович 2017 жылдан бастап казіргі кезге дейін кафедра ассистенті. Қазіргі кезде урология пәні хирургиялық пәндер кафедрасына кіреді. Мичурина 140а көшесіндегі “Жедел жәрдем медициналық ауруханасында” орналасқан.
Кафедра базасында 2017 оқу жылында түскен резидент-урологтар білім алуда. Біріншілік мамандандырылған дәрігерлерді “Урология және андрология соның ішінде балалар маманы” бойынша дайындайды.
Кафедраның тапсырмалары мен міндеттері:
- Білім алушылардың барлық деңгейлері үшін хирургия және урология пәндерін оқыту
- (бакалавриат, резидентура, интернатура).
Алыс және жақын шетелден келген профессорларды шақыру. - Хирургиялық бейіндегі КЖФ жүргізу.
- Дайындықтың барлық деңгейлерінде білім алушыларды тарту, ғылыми қызметке ынталандыру (ғылыми, дипломдық жобаларды жоспарлау).
- Лауазымдық нұсқаулыққа сәйкес міндеттер.
- Ағылшын тілін білетін жас қызметкерлерді тарту.
- Шетелдік жоғары оқу орындарымен ынтымақтастық перспективасы және академиялық ұтқырлық.
