Ішкі аурулар пропедевтикасы кафедрасы 1955 жылы Семей қаласының 1-ші қалалық ауруханасының негізінде ұйымдастырылды. 1961 жылдан 1974 жылға дейін кафедраның негізгі орналасу орны қаланың темір жол ауруханасы болған, ал 1974 жылдан қазіргі уақытқа дейін кафедраның негізгі клиникалық базасы №2 қалалық ауруханада (бұрынғы ет комбинатының медициналық бөлімшесі) орналасқан.
Әр жылдары кафедра меңгерушісі қызметін атқарғандар: Спивак Р.Я. (1955 – 1957), Рахманова А.М. (1957 – 1690), Вайнцвейг П.М. (1961 – 1971), Бабаева Е.Қ. (1971 – 1976), Зверев М.Е. (1977 – 1989), Сағандықов Б.Б. (1990 – 1997), Жұмамбаева Р.М. (1997-2014), Дәуітов Д.Х. (2014 – 2020). Қазіргі уақытта кафедраның меңгерушісі м.ғ.к. Амренова Қ.Ш.
Кафедрада оқытылатын негізгі пән «Ішкі аурулар пропедевтикасы» (3 курс, жалпы медицина). Сонымен қатар, кафедрада ЖМ 2 курсы, «Стоматология» мамандығының 3 курсы, «Фармация» мамандығының 3,5 курсының студенттері оқиды.
Әр жылдардағы кафедраның ғылыми-зерттеу қызметінің негізгі бағыттары болып келесі мәселелер болған – гипертониялық ауру, описторхоз, ревматизм, ревматизм кезіндегі бүйрек үсті безі қыртысының гормондары, ішкі аурулар клиникасында лазерлік терапия және т.б.
Кафедра қызметкерлері N2 қалалық аурухананың терапевтік, гинекологиялық және неврологиялық бөлімшелерінде клиникалық жұмыстарды атқарады, сонымен қатар қалалық емханаларда амбулаторлық қабылдаулар мен консультациялар жүргізеді..
Кафедра оқу-әдістемелік жұмысы және медициналық білім беруде инновациялық оқыту әдістерін енгізу бойынша вуздың рейтингінде бірнеше рет жоғары орындарға ие болған.
Кафедра штаттары келесі профессорлық-оқытушылық құраммен ұсынылған: кафедра меңгерушісі, т.ғ.к. Амренова Қ.Ш., доцент, м.ғ.к Тоқабаев А.Қ., ассистент м.ғ.к. Жазықбаева Л.К., ассистент Зготова Н.С., ассистент/оқу ісі меңгерушісі Муфтиева Г.М., ассистент Қадысов Т.Б. Кафедраның докторанты Қайдарова С.Б. Лаборатория Уатханова А.К.
Тапсырмалар, фунциялар
- Білім беру
- Оқу-әдістемелік жұмысты жүргізу
- Профессорлық-оқытушылық құрамының, студенттердің ғылыми зерттеу жұмыстарын ұйымдастыру
- Білім беру, мемлекеттік қызмет
- Дәрігерлер мен мейірбикелерге біліктілігін арттыру курстарын өткізу
- Қызметтің барлық салаларында инновациялық технологияларды енгізу
- Академиялық ұтқырлық
