Профессор Мусинов Д.Р. атындағы клиникалық онкология, радиология және ядролық медицина кафедрасы бай тарих пен заманауи тәжірибені ұштастырып, білім беру, ғылыми және клиникалық қызметтерді атқарады. Онкология кафедрасының тарихы 1975 жылы Семей облыстық онкологиялық диспансері базасында Семей медицина институтының онкологиялық курсы ұйымдастырылған кезден басталады. Курстың бірінші жетекшісі медицина ғылымдарының кандидаты, доцент Виталий П.Р. 1983 жылы онкология кафедрасы құрылды. Кафедраның бірінші меңгерушісі м.ғ.д., профессор А.Т. Бутенко болды. 1985-1993 жылдар аралығында кафедраны м.ғ.д., профессор В.Г. Черенков басқарды.
1994-1999 жылдары кафедраны м.ғ.к., доцент А.Ж. Мұқанов, ал 1999-2006 жылдары медицина ғылымдарының докторы, профессор Д.Р.Мусинов басқарды.
2006-2008 жылдар аралығында кафедраны медицина ғылымдарының кандидаты Р.Ц. Жакупова, ал 2008-2013 жылдар аралығында медицина ғылымдарының докторы, профессор З.А.Манамбаева басқарды. 2013 жылдан 2021 жылға дейін кафедраны медицина ғылымдарының докторы, профессор Т.А.Адылханов, 2021-2024 жылдар аралығында PhD, ассоцирленген профессор Л.А.Пак басқарды.
2024 жылдан қазіргі уақытқа дейін кафедра меңгерушісі PhD докторы, ассоцирленген профессор Б.А. Апсаликов
Басшылықтың 2025 жылғы 8 мамырдағы шешімімен онкология және ядролық медицина кафедрасы радиология кафедрасымен біріктірілді.
Семей медицина институтының радиология кафедрасының тарихы 70 жылдан астам уақытты қамтиды: ол 1954 жылы құрылды, И.И. Пилгер оның бірінші басшысы болды. Одан кейінгі жылдары кафедраны профессорлар М.Т. Алияқпаров, О.М. Ким, доценттер Н.Ф. Андрященко, А.А. Шнайдер, А.К. Ахметбаева және т.б. басқарды. 2018 жылы сәулелі диагностика және ядролық медицина кафедрасы құрылды. 2021 жылдан бастап кафедра радиология кафедрасы болып өзгертілді.
Қазіргі уақытта профессорлық – оқытушылық құрамда профессор Мадиева М.Р., доцент Раисов Д.Т., доцент м.а. Абилтаева А.А., онкология кафедрасының меңгерушісі Қосымбаева Е.О., радиология кафедрасының меңгерушісі Муканова А.К., ассистенттер Мусульманова М.А., Рымбаева А.С., Жунисова Д.А., Салыкбаева К.С., Альмисаев К.А., Культуманова Н.М., сонымен қатар қосаатқарушылықта Танатаров С.З., Пак Л.А., Бекетова Б.Б., Нурпеисова К.Б., Тусупжанова А.К., Идрисова А.С.
Онкологтар мен рентгенологтардың сапалы даярлығын қамтамасыз ету үшін кафедра Ядролық медицина және онкология орталығы АО ДСБ, “СМУ” ҚеАҚ Университеттік ауруханасы, ЖЖА, «Хаким» и «Nova Diagnostic» клиникалық базаларына сүйенеді.
Оқу үрдісі онкологиялық ауруларды ерте диагностикалау мәселелерін меңгеруге, скринингтік зерттеулер жүргізуге, ісіктерге күдік туындағанда дәрігердің тактикасын жасауға, сонымен қатар заманауи диагностикалық және емдеу әдістерін зерделеуге бағытталған. Тәжірибелік сабақтар емханада, қабылдау бөлімінде, стационарда науқастардың тікелей қатысуымен өткізіледі.
Кафедра ұжымы облыстағы онкология мен радиологияның дамуына зор үлес қосып, ғылыми-клиникалық жұмыстарды белсенді жүргізеді.
