Шұғыл медицина кафедрасы 2017 жылы апат медицинасы кафедрасының базасында құрылған. 1993 жылдан бастап кафедраны жоғары санаттағы травматолог-ортопед (1993), ҚР ҰҒА корреспондент мүшесі, медицина ғылымдарының докторы (1990), профессор (1994) Дюсупов Ахметқали Зайнолдаевич басқарды.
Кафедра қызметкерлерінің медициналық-консультациялық жұмыстары жедел медициналық көмек бөлімінде, кардиология, пульмонология, жедел жәрдем ауруханасының травматология бөлімшелерінде, Семей медициналық университетінің Университеттік ауруханасында жүргізіледі. Қазіргі кезде шұғыл медицина кафедрасында жалпы медицина факультетінің 5 курс студенттері, 6 курс интерн- терапевттері, 7 курс интерн- педиатрлары, резидент -педиатрлар білім алып жатыр.
Шұғыл медицина кафедрасының негізі қаланғаннан бері қызметкерлер университеттің әдістемелік, ғылыми және медициналық жұмыстарына белсене араласты. Әдістемелік материалдар дайындалды және Қазақстан Республикасының төтенше жағдайлар жөніндегі департаменттерінің 400-ден астам дәрігері мен медбикелері стационарлық кезеңде науқастарды медициналық іріктеу жүйесінде ЖОО-ның білім беру және клиникалық орталығына негізделген шұғыл жағдайдың ауырлық көрсеткіші (ESI) және шұғыл көмек алгоритмдері бойынша дайындықтан өтті. Қазақстанда алғаш рет 26 дәрігер дайындықтан өтіп, «Жедел және шұғыл медициналық көмек» дәрігері сертификатын алды. Кафедра қызметкерлері 2018-2019 жылдарға арналған жедел медициналық көмек көрсетудің жол картасын құрды.Госпитальдық кезеңде төтенше жағдайларға шалдыққан науқастарды триаж жүйесі бойынша тасымалдаудың стандартталған операциялық процедуралары жасалды. Кафедра қызметкерлері жыл сайын ғылыми жұмыстарға жетекшілік жасайды, университеттің ғылыми-техникалық бағдарламаларын іске асыруға қатысады, магистранттар мен PhD докторанттарын дайындайды, Scopus және Web of Science деректер базасында индекстелген халықаралық рецензияланған журналдарда ғылыми нәтижелерді жариялайды, Қазақстан Республикасы, жақын және алыс шетелдердегі халықаралық конференцияларға қатысады, университетті дамыту жобасының шеңберінде оқытушылар құрамының ғылыми құзыреттілігін арттыру курстарын өткізеді.
Кафедраның барлық қызметкерлері мамандықтары бойынша АҚШ, Түркия, Израиль, Ұлыбритания клиникаларында оқу курстарынан өткен. Кафедрада студенттік ғылыми үйірме жұмыс істейді. 2019 жылдан бастап шұғыл медицина мамандығы бойынша резиденттер дайындау жоспарланып отыр. «Клинико-патогенетикалық механизмдердің ғылыми- негізденген концепциясын кұру және политравмада кешенді реабилитацияны жандандыру» жобасында зерттеу жұмысы.
