Травматология және ортопедия кафедрасы 1970 жылы травматология – ортопедия курсы (меңгерушісі доцент Хабижанов Б.Х.) мен әскери далалық хирургия (меңгерушісі Карамедин И.И.) курсын біріктіру арқылы құрылды. 2023 жылы травматология және ортопедия кафедрасы балалар хирургиясы кафедрасымен біріктірілді.
Бүгінгі таңда кафедра қызметкерлері травматологиялық науқастар мен балаларға барлық заманауи операциялық ем түрлерін орындайды. Атап айтқанда: ұзын түтікті сүйектердің сынуларында сүйек арқылы, сүйек ішілік блокталатын, сүйек үстілік АО – ASIF технологиясы бойынша остеосинтездер жасалады. Жамбас сүйегі зақымдалған жағдайларда АО технологиясы бойынша жамбастың алдыңғы және артқы жарты сақиналарын бекіту, Латурнель – Жюде әдісімен вертлужды ойықтың колонналарын остеосинтездеу жүргізіледі. Сондай-ақ жамбас және тізе буындарының эндопротездеу операциялары орындалады.
Кафедра қызметкерлері жыл сайын шетелдік тағылымдамадан өтіп, өздерінің кәсіби және педагогикалық деңгейін арттырып отырады. Жыл сайын студенттер арасында балалар хирургиясы мен травматология пәндері бойынша олимпиада өткізіледі. Кафедра қызметкерлері студенттермен бірлесе отырып, салауатты өмір салтын және қоғамдық белсенділікті арттыруға бағытталған түрлі мәдени, әлеуметтік және спорттық іс-шаралар ұйымдастырады.
Кафедра резиденттері Алтай, Аягөз, Екібастұз, Риддер сияқты қалаларда тағылымдамадан өтіп, өз кәсіби шеберлігін арттыруда.
