Кафедраның тарихы:
Эпидемиология курсы бар жұқпалы аурулар кафедрасы 1957 жылы құрылған.
Кафедра меңгерушілері:
- м.ғ.к., доцент А. А. Әубәкіров (1957-1960);
- м.ғ.д., доцент Л. М. Барановский (1960-1972);
- м.ғ.д., профессор Е. С. Белозеров (1972-1982, 1985-1986);
- м.ғ.к., доцент Б. Т. Хряпов (1987-1988);
- м.ғ.д., профессор Л. А. Муковозова (1982-1985, 1989-2002);
- м.ғ.д., профессор Н. К. Шаймарданов (2002-2010, 2022 ж. қазіргі уақытқа дейін).
2010 жылдан бастап жұқпалы аурулар пәні апаттар медицинасы, неврология, психиатрия және жұқпалы аурулар кафедраларының құрамына енді, 2017 жылдан бастап дерматовенерологиямен біріктірілді; 2018 жылдан 2022 жылға дейін иммунологиямен біріктіріліп, м.ғ.к., доцент С. Б. Маукаева жетекшілік етті.
Профессор Е. С. Белозеровтың жетекшілігімен 88 кандидаттық және 23 докторлық диссертация қорғалды, 29 монография және 4 оқу құралы жазылды, Қазақ КСР ғылымының еңбек сіңірген қайраткері, СММИ ректоры (1986 ж. ) және Алматы медицина институтының ректоры қызметтерін атқарды (1986-1995).
Профессор Л. А. Муковозова СММИ ғылыми жұмыс жөніндегі проректоры қызметін атқарды (1995-1996). Оның жетекшілігімен 10 кандидаттық және 2 докторлық және 1 PhD диссертация, 1 монография мен жұқпалы аурулар анықтама шығарылды.
Эпидемиология курсына доцент Б. Т. Хряпов көп еңбек сіңірді, кейіннен Мәскеуде бас дәрігер болып істеді.
Профессор Н. Қ. Шаймарданов 13 медицина ғылымының кандидаты мен 1 медицина ғылымының докторын дайындап, 4 монография шығарды, университетте өзі құрып және 10 жыл бойы салауатты өмір салтын қалыптастыру проблемалары орталығын басқарған.
Қазіргі уақытта кафедрада 2 медицина ғылымдарының докторы: Семей Мемлекеттік медицина университетінің еңбек сіңірген профессоры Л. А. Муковозова және профессор, Қазақстан Республикасы Медицина ғылымдары академиясының корреспондент-мүшесі Н. Қ. Шаймарданов; 4 м.ғ.к.: доцент, Семей мемлекеттік медицина университетінің профессоры Г. И. Нуралинова, доцент С. Б. Мауқаева, доцент А. З. Тоқаева, доцент қ. а. Е. М. Смаил; ассистенттер: завуч Ж. Б. Исабекова, С. С. Каримова, А. С. Смаилова; лаборант М. Е. Кыржубаева жұмыс істейді.
Тері-венерология кафедрасы 1957 жылы ұйымдастырылған. Кафедраның негізін қалаушы доцент Р. Х. Абдусаметов (1957-1976) болды, ол да біраз жыл СММИ ғылым жөніндегі проректор қызметін атқарды.
Кейіннен кафедраны профессор Базыка А. П. (1975-1982) – әлемге әйгілі ғалым, тамаша оқытушы және клиницист, көптеген ғылыми еңбектердің, оның ішінде екі монографияның авторы.
1982 жылдан 2002 жылға дейін кафедраны меңгерген, медицина ғылымдарының докторы, профессор Л. Н. Савицкая, 300-ден астам ғылыми жұмыстардың, 20 өнертабыстың және рационализаторлық ұсыныстардың авторы, 7 медицина ғылымдарының кандидаттарын дайындады.
2002-2016 жылдар аралығында кафедра меңгерушісі қызметін медицина ғылымдарының докторы, профессор Ж. Н. Нұрмұхамбетов атқарды. Оның жетекшілігімен 3 кандидаттық диссертация қорғалды, 200-ден астам ғылыми жұмыстардың авторы, соның ішінде 4 өнертабыс және 2 монография.
2017-2022 жылдар аралығында кафедраны м.ғ.к., доцент А. К. Ахметова басқарды.
Әр жылдар ішінде м.ғ.к., доцент А. К. Жүнісова, м.ғ.к., доцент Т. М. Беляева, ассистенттер: В. В. Русанова, Т. В. Хряпова, м.ғ.к. Н. М. Храмых-Оверченко, м.ғ.к. Е. А. Сүндеева; магистр Т. Б. Ибраева жұмыс атқарған.
Қазіргі уақытта кафедрада м.ғ.д., доцент Н. К. Султанова, м.ғ.к., доцент А. Қ. Ахметова, ассистенттер А. А. Кусаинова, М. С. Жокебаева, лаборант Б. Джамбаева жұмыс істейді.
Кафедра қызметкерлері студенттерге арналған көптеген оқу-әдістемелік құралдарды дайындады, оның ішінде «Терінің саңырауқұлақ аурулары», «Фотодерматоздар», қазақ тіліндегі бірқатар оқу құралдары: «Микоздар», «Педермиялар», «Дерматиттер», «Экзема», «Нейродерматоздар», «Пемфигус», «Терінің аллергиялық аурулары» монографиялары және соңғы жылдары жарияланған «Эмоционалдық күйзеліс және бейімделу бұзылыстарын түзету».
Кеңес Одағында алғашқы клиникалық иммунология және аллергология кафедрасы 1986 жылы СМИ ректоры, профессор Е. С. Белозеровтың инициативасы бойынша құрылған.
Кафедраның бірінші меңгерушісі болып доцент Қ. Б. Садықов, (1986), кейін кафедраны доцент Ф. Ф. Ягофаров (1987-2009), 2010-2018 жылдар аралығында м.ғ.д. Х. С. Жетпісбаева меңгерген.
Қазіргі уақытта кафедрада доцент, м.ғ.к. Ф. Ф. Ягофаров, доцент қ. а., м.ғ.к. Н. Қ. Құдайбергенова, ассистенттер: м.ғ.к. Д. Б. Қозубаева, магистр Г. Ж. Абдрахманова, Б. С. Тураханова.
Кафедраның ғылыми бағыты – екіншілік иммундық тапшылықтарды, иммундық бейімделу механизмдерін, аллергиялық тері ауруларын (экзема және атопиялық дерматит) зерттеу.
Мақсаты: жоғары сапалы медициналық көмек көрсету үшін дәрігерлерді, ғалымдарды және денсаулық сақтау жетекшілерін дайындау, білім, ғылым және клиникалық тәжірибе үштігіне қол жеткізу.
Тапсырмалар мен функциялар:
- Жоғары сапалы медициналық көмек көрсету үшін денсаулық сақтау саласындағы дәрігерлерді даярлау;
- Оқу үрдісіне қажетті жағдай жасау;
- Клиникалық құзыреттіліктерді алу және жетілдіру.
