Университетімізде бекітілген «Қысқы/жазғы мектепті ұйымдастыру туралы ережеге» сәйкес балалар аурулары пропедевтикасы кафедрасы «Балалардағы асқазан-ішек жолдарының орфанды аурулары» атты жазғы мектепті өткізді. Жазғы мектеп төртінші курс студенттері, интерндер мен резиденттер үшін 2023 жылғы 16 маусым мен 21 маусым аралығында өтті. Оқыту онлайн режимінде ZOOM платформасы арқылы өткізілді.

Мектепте балалардың асқазан-ішек жолдарының орфандық ауруларының диагностикалық критерийлері, емдеудің заманауи әдістері, дәлелді медицинаға бағытталған соңғы әзірлемелер ұсынылды. Жазғы мектеп бағдарламасы келесі тақырыптарды қамтыды: Балалардағы тұқым қуалайтын Тафтинг энтеропатиясы. Балалардағы созылмалы диарея. Мальабсорбция синдромы. Балалардағы АеЖК. Балалардағы Крон ауруы. Өмірінің бірінші жылындағы балада бауыр циррозының және өт қабының туа біткен агенезінің клиникалық жағдайы. Мектеп соңында кері байланыс алынды. Қатысушылар сертификаттармен марапатталды, студенттер жазғы мектепті ұйымдастырушыларға алғыстарын білдірді.[/vc_column_text]